احبائي وزملائي طلاب اعدادي

ناخد وقفه رغم أنا مش عايز أنكد عليكوا بعد العمل الشاق من دخول المعهد والكل كان تايه ومش عارف يعمل أيه ومش كنا عارفين أماكن السكاشن
البعض مش كان عارف أماكن المحاضرات أساسا
بدأنا نتعود وخدنا الصدمه فى أن الكليه عايزه مذاكره وجهد وعمل مش لعب عيال بدأنا نفوق من ده حتى جاءت الطامه الكبرى وهى أمتحانات الميد ترم حلينا اللى حليناه وعكينا اللى عكيناه وزملائى الأعزاء تكلموا فى المواضيع دى شويه شويه فوقنا من الصدمه حتى جاء الفياضين والأعاصير وهى أمتحانات الترم
اللى ذاكر ذاكر واللى ماذاكرش أحنا الكليه مش لعب عيال أنا الصراحه كنت عايز أقول أخبار الأمتحانات وصعوبته ونشوف الناس عملت أيه ونشوف مستوى الأمتحان للطلبه أكيد كنت هلاقى ناس حلوا تمام التمام ربنا يوفقهم وناس قدمت الورقه لونها زى لون قلوبهم الطيبه بس أنا قولت مش لازم لأنى اللى حلوا هيتحسدوا واللى محلش هيتعقد أنا قولت أحنا دخلنا كليه هندسه ومن صفات المهندس الملاحظه والتأمل أكيد فى حاجات تعلمنا منها منسبهاش عايمه لازم نستفيد منها ونتعلم منها ونعلم زملائنا التجارب دى ونشوف ايه الأخطاء اللى عملناها فى الترم الأول ونجنبها الترم التانى بجد كل واحد يتفتفض ويكتب ملخص اللى عمله فى الترم الأول ويقرر يعمل أيه فى الترم التانى نتعلم منه ونعطى رأينا وبالمره يقول بسرعه هو عمل أيه فى الأمتحانات وأى أمتحان صعب و أى أمتحان سهل بكده أحنا نتعلم من بعضنا حاجات كتير وأحنا مع بعض ايد واحده هنلاقى الكليه سهله سهله

ابوجهاد

كلامك جميل جدا وربنا سترها معانا الترم دة ويارب هون علينا صعوبة الترم دة

[b]عندك حق في كل الي بتقوله وربنا يوفقك ويوفقنا

عندك حق يا محمود بس انا لاحظت حاجة حابب اوضحها لزملائى المهندسين و المهندسات
انا لاحظت ان كان فى ناس كتير اوى اوى بتحفظ لمجرد دخول الامتحان يرص اكلام الفى دماغه و ينساه
غير كدة مفيش حاجة اسمها مهندس حافظ
او بمعنى اصح الحفيظ هيمشى كويس فى الكلية و ممكن يتخرج بامتيازات بس بعد كدة فى الحياه العملية هيبقى المحصلة المعلوماتية بالنسباله صفر و كأنه لسة مدخلش الكلية ولا اتعلم ولا حصل اى شئ

نصيحتى للناس متحفظوش افهموا والله هتكتبوا الحاجات الموجودة فى الكتب ممكن ميكونش بنفس الكلمات بس ممكن توصل المعنى بصورة اعمق
و ربنا يوفقنى و يوفقكم لما يحب و يرضى

اخوانى باالرغم من انى طالب با لفرقة الثانية لكن عاوز اقول لكم حاجة مهمة جدا
احنا جينا المكان دة عشان نبقى مهندسين واكيد كلنا متفقين على هذا
الهندسة تخصص يخاطب العقل والمهندسين يعرف عنهم انهم مجتهدين وتفكيرهم جيد
الى عاوز يبقى مهندس بس دة احنا مش بنفضلة المهم مهندس فاهم ويعرف ربنا وينفع دينة وبلدة
عشان دة يتحقق لازم الجهد والتعب والمذاكرة للفهم والتحليل وليس للحفظ
ولازم لاننسى ان الله لا يضيع اجر من احسن عملا وربنا يوفقنا جميعا
اخوكم مؤمن محمد انور
ان شاء الله تحقيقا وليس تعليقا
مهندس ميكانيكا القوى والهيدروليك